Eigi skal æpa upp -- heldur safna liði.

Það var alveg ótrúlegt að hlusta á Jón Baldvin æpa í gjálfri Egils og tala um enn einn nýjan flokk.

Ef öll sú orka sem hann notaði í þennan æsing færi í það að hvetja fólk til að standa fast á bak við Ingibjörgu og Samfylkingunni myndi fylgið aukast.  Þetta ættum við öll í Samfylkingunn að íhuga vel, þegar við leggjum út á völl kosningabaráttunnar.  Við kusum Ingibjörgu og við skulum leggja allt sem við getum í það að standa trygg og taust að baki henni sem hún algerlega verðskuldar og Samfylkingunni okkar. 

Minnumst hinnar glæsilegu ræðu sem Össur flutti þegar Ingibjörg tók við af honum og hann hvatti okkur öll til að eflast og halda ótrauð áfram við það að stækka flokkinn og gera hann að öflugu forystuafli í íslenskum stjórnmálum og fylkjast um Ingibjörgu.  Látum okkur ekki detta það í hug að eitthvað sé of seint. Koningabaráttan er varla hafin -  óttumst eigi.    Fram Sam-fylking. 

X-S (Success)

 Kalli Matt

Athugasemdir

[Arnar (IP-tala skráð) 29.1.2007 kl. 15:28]

Sæll Karl

Ég tek orðum Jóns Baldvins fyrst og fremst sem brýningu um að Samfylkingunni megi umfram allt ekki mistakast að tryggja hér breytta stjórnarhætti og aðra forgangsröðun á næsta kjörtímabili enda engir sem geta tekið á málum aðrir en jafnaðarmenn.

Orð hans um nýjan jafnaðarmannaflokk hafa í mínum huga svipað retórískt vægi og "hótun" hans um að þjóðnýta bankana vegna vaxtaokurs og þjónustugjalda.

Efnislega voru ábendingar hans um meginlínur kosninganna góðar og meginstefið alveg skýrt: Stór jafnaðarmannaflokkur er eina aflið sem einhverju mun megna að breyta.

Er ekki bara verkefnið okkar allra að standa undir þessari brýningu og láta ekki það slys henda að Samfylkingunni mistakist ætlunarverk sitt. Virkjum Jón Baldvin og alla hinga með okkur í þann slag ef þarf.

[Sigurður H. Einarson (IP-tala skráð) 29.1.2007 kl. 17:57]

Ég skildi Jón Baldvin þannig að ef stofnun og markmið Samfylkingarinnar hefur mistekist, þ.e. að flokkurinn sé að síga niður fyrir 20% fylgi og niður fyrir Vinstri græna þá kæmi til greina að stofna nýjan flokk. Það er allveg ljóst alla vega fyrir okkur sem erum vinstra megin í pólitíkinni og erum í Samfylkingunni að 20 % er herfileg útreið. Við vinstrimenn í Samfylkingunni höfum þurft að bíta í ýmis súr epli allt í nafni þess að hér yrði til stór sterkur jafnaðarmannaflokkur sem væri valkostur við íhaldið. Ef það hefur misstekist hljótum við að hugsa okkar gang. En ef það á ekki að bretta upp ermarnar þá er ekki mikil von um mikinn árangur.

[Hrafn Jökulsson, 30.1.2007 kl. 19:24]

Alþýðuflokkurinn lá í 20 prósentum á góðum degi, svona svipað og Samfylkingin, en var í seinni tíð með 10-15 prósent, hvort sem það verður nú þróunin hjá Samfylkingunni líka.

[Eggert Hjelm Herbertsson, 3.2.2007 kl. 22:38]

Hárrétt athugað hjá þér Kalli.........höldum áfram til sigurs.