Þjóðkirkjan okkar er frjálslynd og tekur á móti þeim, sem til hennar leita.

Þjóðkirkjan okkar er örugglega ein frjálslyndasta kirkja í heimi.
Þegar fyrsta konan vígðist sem prestur þótti öllum það sjálfsagt og eðlilegt. Þjóðkirkjan okkar velur konur fyrir prófasta sína og biskupa. Jafnvel í frjálslyndum nágrannalöndum okkar kom fram fólk sem hafnaði því að konur ættu að fá vígslu sem ég get engan veginn skilið.
Þegar lagt var fram frumvarp til laga um breytt hjúskaparlög fyrir mjög fáum árum fagnaði því stór hluti presta með ályktun sinni. Og nú þegar fréttablaðið spyr alla prestastétina kemur í ljós í gríðarlega góðri svörun að 99,9% þeirra sem svara segjast fúslega vilja gefa saman samkynhneigt par.

Vona ég nú að fólk sjái að hinn ósiðlegi stormur sem bulið hefur á Þjóðkirkjunni í þessu máli var bara stormur í vatnsglasi.
"Vor kirkja er byggð á bjargi en bjargið Jesús er".

Stöndum saman.

Kalli Matt

Athugasemdir

[Axel Jóhann Hallgrímsson, 3.10.2015 kl. 11:57]

Trúarbrögð sem eiga rætur sínar og gildi að rekja aftur í gráa forneskju eiga litla samleið með frjálslyndi nútímans, vilji þau vera trú sínum uppruna og grunni. Það er vandséð hvernig  íslenska þjóðkirkjan geti kallað sig frjálslynda nema hún sé tilbúin að afneita hluta þess sem biblían boðar. Hefur hún gert það?

Til að forðast misskilning þá er það einlæg tú mín að allir menn (og konur) eigi að njóta sömu mannréttinda, hvernig sem þeir eru "af Guði gerðir".