Leita í fréttum mbl.is

Bönnum jólaföndur í leikskólum -- er það ekki næst?

Nú mega prestarnir í Seljahverfi ekki koma í einhverja leikskóla þar vegna hinna. Nú má vinaleiðin ekki vera farin í Garðabæ vegna hinna. Nú má skólinn ekki gefa fermingarbörnum leyfi til að fara í vatnaskóg vegna hinna. Nú má ekki hafa grunnskóla sem grundvallast á kristunum gildum vegna hinna. Nú má ekki klæða nýfædda drengi í blátt og stúlkur ekki í bleikt, ég veit ekki vegna hverra.

Er ekki næst að banna jólaföndur, jólafrí, páskafrí og svo framvegis?

Lifi frelsið

Stöndum saman

Kalli Matt


« Síðasta færsla | Næsta færsla »

Athugasemdir

1 Smámynd: Heidi Strand

Ekki má vera kross í kapellunni á barnadeildinni vegna hinna.
Við sem flytjum til annars lands verðum að aðlagast menningu og hefðum í því landi. Við höfum þjóðkirkju hér á landi, flest skírum við börn okkar og þau eiga að alast upp samkvæmt því. Þegar prestur kemur í leikskólann geta hin börnin gert eitthvað annað á meðan, til dæmis er hægt að lesa fyrir fyrir þau. Þau eiga að læra að bera virðingu fyrir okkar menningu, ekki síður en við fyrir þeirra menningu.
Þegar ég var í grunnskóla var ein gyðingastelpa í bekknum. Hún fékk frí á meðan við hin vorum í kristinfræði. Það var ekkert vandamál

Heidi Strand, 28.11.2007 kl. 21:20

2 Smámynd: Matthías Ásgeirsson

Mikið óskaplega eigið þið bágt.

Matthías Ásgeirsson, 28.11.2007 kl. 22:51

3 identicon

Jamm, þessi tillitssemi reynir sárlega á ykkur. Bara ef Jesús hefði sagt ykkur að elska náungann eða eitthvað svoleiðis.

Óli Gneisti (IP-tala skráð) 28.11.2007 kl. 22:58

4 Smámynd: Brynjólfur Þorvarðsson

Ekki megum við fara í leikskólana, af hverju ættið þið þá að mega það?

Hvernig væri það: Vantrú kynnir trúleysi í leikskólum.

Þið ættuð nú að skammast ykkar að halda að þið megið bara níðast á börnum ykkar málstað til framdráttar.

Brynjólfur Þorvarðsson, 28.11.2007 kl. 23:07

5 identicon

„Er ekki næst að banna jólaföndur, jólafrí, páskafrí og svo framvegis?“

Þessi röksemdarfærsla þín er hriplek.

Við getum hugsað okkur að það komi fram tillaga um bann við akstri torfæruhjóla innan borgarinnar. Möguleg viðbrögð í þínum anda gætu þá verið:

„Það á að banna torfæruhjól í borginni. Hvað er þá næst? Stendur kannski til að banna reiðhjól, nú eða þríhjól?“

Sverrir Guðmundsson (IP-tala skráð) 29.11.2007 kl. 00:06

6 Smámynd: Sigurður Hólm Gunnarsson

 Satt og logið um stefnu Siðmenntar

Ég hef ákveðið að taka saman á einn stað flestar (en ekki allar) þær greinar sem ég hef skrifað vegna rangfærslna um Siðmennt. Satt að segja er ég orðin þreyttur á að hrekja sömu rangfærslurnar ofan í oft sama fólkið aftur og aftur. Ég hvet lesendur því að lesa þessar greinar fyrst og gagnrýna svo stefnu Siðmenntar. Það fer ótrúlega mikill tími í að svara fyrir stefnu sem Siðmennt hefur alls ekki.

<a href="http://www.skodun.is/archives/2007/01/12/satt_og_logid_um_stefnu_sidmenntar.php">http://www.skodun.is/archives/2007/01/12/satt_og_logid_um_stefnu_sidmenntar.php</a>

http://www.skodun.is

Sigurður Hólm Gunnarsson, 1.12.2007 kl. 20:43

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Karl V. Matthíasson
Karl V. Matthíasson

Legg þú á djúpið.

Innskráning

Ath. Vinsamlegast kveikið á Javascript til að hefja innskráningu.

Hafðu samband