Sorg yfir Íslandi -- Umboðsmaður barna

Þegar við heimsækjum Rauðasand vakna upp alls konar hugsanir um líf fólks liðinna tíma ekki síst er við lesum Svartfugl Gunnars Gunnarssonar sem ritaði  hina sögulega skáldsögu um Sjöundármálin.

Nú hefur annar svona "sorgarminningastaður" orðið til -- Breiðavík.  Þráinn Bertelsson skrifaði skáldsögu (Dauðans óvissi tími) þar sem tveir vinir "frá Bjargi" eru sögupersónur.  Þeir minna á þá Þormóð Kolbúrnarskáld og Þorgeir Hávarðsson.  Lýsingin á sambandi þessara manna er stórkostleg.

Ég á óljósa minningu frá unglingsárum mínum um að hafa einu sinni talað við  strák sem hafði verið á Breiðavík og hann talaði eitthvað um helvítið þar. (Það var niður við Tjörn eftir ball sem við vorum á í Iðnó þar sem Bendix lék fyrir dansi.)  Kannske talaði einhver  frá Breiðavík við Þráin.

 Minningin af þessu samtali er hrollur. Þetta er eitt af því sem hvarf í hjúp gleymskunnar eða maður höndlaði ekki að hugsa um það eða vildi ekki trúa því og þess vegna ýtti maður því bara frá sér lengst niður.  Ó umkomulausa sál -fyrirgef mér að augu mínu voru  haldin.                                      Var hann að biðja mig, 15 ára gamlan strák,  um hjálp? 

Mér finnst rétt að rannska þessi mál.  Breiðavík og Bjarg og öll hin og líka verðum við að fylgjast með því hvernig þessum málum er háttað í dag. 

Það eru mörg börn núna á meðferðarheimilum sem þarf auðvitað að fylgjast með. Þau erum undir forsjá og umsjón Barnaverndarstofu og því er eðlilegt að spyrja hvort rétt sé að Barnaverndarstofa dæmi sjálf um gæði meðferðar sinnar.  Verðum við ekki að efla starfssvið umboðsmanns barna.  Umboðsmaður barna -- óháður öllum stofnunum. 

Í rauninni er sorg yfir Íslandi vegna þessara mála og við verðum að vinna okkur út úr henni með kærleika og hugrekki, kannast við okkur sjálf og sögu okkar meina það sem við segjum.

EN! við verðum líka að spyrja okkur: "Er eitthvað núna sem við eigum í bakgarðinum -- sambærilegt við Breiðavík?"  

Í framhaldi af því hugsa ég til fangelsanna hér (þar sem að minnsta kosti einn Breiðavíkurmaður er) Getum við verið sátt við aðbúnaðin í fangelsunum. 

ER ekki fangelsið  á Skólavörðustíg 9 eitt þeirra dæma, sem allir vita um, sem allir vita um...... Eða verður Skólavörðustígur 9 sorgin okkar eftir 40 ár?

Vöknum og tökum okkur á.

Stöndum saman

X  -  S (Success)

Kalli Matt

Athugasemdir

[ea. (IP-tala skráð) 11.2.2007 kl. 21:11]

Þú segir nokkuð. En hvar er umboðsmaður barna í dag?

Ég heyri næstum aldrei neitt frá umboðsmanni barna síðan þórhildur Líndal hætti.

Ég sá að vísu einhver greinaskrif um daginn frá Ingibjörgu Rafnar sem voru um ný lög í þágu barna að mig minnir - hlýtur að vera. Hún er allavega ekki eins áberandi og Þórhildur var hvort sem það segir eitthvað eða ekkert!

Slóðin á umboðsmanninn er hér: http://www.barn.is/barn/adalsida/forsida/

[Jón Steinar Ragnarsson, 12.2.2007 kl. 01:29]

Þetta nístir sannarlega réttláta menn í hjartað og vonandi verður hægt að lina sorgir þessa fólks sem fyrst.  Við verðum samt mmitt í þessu öllu að muna það góða og fallega, sem hefur verið gert í áranna rás og að þrátt fyrir bresti þá voru þessi heimili sett á fót fyrir bræður okkar og systur, sem höfðu hvergi annarstaðar höfði sínu að halla.

Þumalfingursreglan ætti að vera: Þar sem við vildum ekki dvelja þrátt fyrir neyð, það skulumvið ekki bjóða meðbræðrum okkar upp á.

[Karl V. Matthíasson, 12.2.2007 kl. 07:57]

Góður og góðan daginn

Kalli Matt