Anna Kristín Gunnarsdóttir með utandagskrárumræðu.

Er betri en í dag, lét mig hafa það af fara fram úr og  horfa og hlusta á fréttir, þar  kom fram að Anna Kristín Gunnarsdóttir vakti utandagskrárumræðu um byggðahrun sumra svæða í Norðvesturkjördæmi.  Mér fannst bæði RUV og Stöð 2 gera of lítið úr frækilegri framgöngu hennar en sýna aðra þingmenn meira og jafnvel mátti skilja á stöð 2 í lok fréttanna að Steingrímur J. hefði verið aðla í umræðunni.

RUV og Stöð 2:  Vinnum að nákvæmum fréttaflutningi .

Stöndum saman

X -  S (Success)

Kalli Matt

Athugasemdir

[Edda Agnarsdóttir, 27.2.2007 kl. 22:48]

Já. mikið hel... var hún góð. En þeir slökktu á henni bévaðir. Nú vantar bloggið hjá henni svo mar geti nú peppað hana áfram!

[Kleópatra Mjöll Guðmundsdóttir (IP-tala skráð) 28.2.2007 kl. 02:08]

láttu þér batna kæri kalli

[Vilborg Davíðsdóttir (IP-tala skráð) 28.2.2007 kl. 11:28]

Líttu við hér  http://www.barnaland.is/barn/19494/album/414291/img/20061027220840_2.jpg 

 Batakveðjur frá Edinborg, Vilborg & Björgvin

 www.vilborgd.blogspot.is

[kolbrún Sverrisdóttir (IP-tala skráð) 28.2.2007 kl. 20:40]

Já þetta var gott hjá Önnu ,en mér finnst kannski ekki skipta máli hver byrjaði umræðuna heldur að þingmennirnir eru á launum hjá okkur og þeir eiga að vera meðvitaðir um atvinnuástandið hér og eiga að vinna sína vinnu.

Hér verður ekki unað við óbreytt ástand..... og í Guðs bænum ekki leggjast í það að slá ykkur til riddara í aðdraganda kosninga að minnsta kosti ekki þið, sama í hvaða flokki þið eruð, sem hafið setið á þingi sl.fjögur ár hvar hafið þið verið jafnt samflokksmenn mínir sem og Steingrímur J svo ég tali nú ekki um nýuppfundinn Byggðamálaráðherra.... 

Hér eru menn meðal annars að súpa seiðið af sölu  eða eigum við að segja gjöfum ríkisstjórnar Íslands á ríkisfyrirtækjum. NEI nú segjum við stopp Vestfirðingar sama hvar í flokki við erum við látum ekki bjóða okkur meir, það er kominn tími á uppgjör þar sem að menn þurfa að átta sig á að byggðunum blæðir á meðan sameiginlegir sjóðir okkar landsmanna fara aðallega í uppbyggingu á stór-Reykjavíkursvæðinu.

Valdnýðsla og hroki verður ekki lengur liðin af ríkisvaldinu stöndum saman sem einn maður og krefjumst breytinga.

Með baráttukveðju að vestan minnug þess að það dugar ekki að minna á sig á fjögurra ára fresti.

Kveðja
Kolbrún Sverrisdóttir

P.s. Nú geri ég eins og Össur vinur minn gerði um árið þegar hann kallaði Baugsfeðga bófa og gangstera, ýti á send á meðan ég er nógu reið, nema að ég ætla að senda Jóhannesi í Bónus mínar bestu kveðjur því það er hann sem heldur landsbyggðarlýðnum gangandi með lágu vöruverði.

[Guðmundur Sigurðsson (IP-tala skráð) 28.2.2007 kl. 22:37]

það er gott að þessi Anna Kristín skuli hafa veitt athygli arvinnumálum í kjördæminu sínu. Átta mig samt ekki á því að það sé tilefni til þess að blása í lúðra, finnst að hún og aðrir þingmenn kjördæmisins hefðu kannski átt að vita eitthvað um stöðu atvinnumála í kjördæminu.

Hins vegar er ekki langt síðan að bæjarstjórinn í Ísafjarðarbæ fór mikinn í fjölmiðlum og talaði um mikla uppbyggingu í bænum og trausta atvinnuvegi.

Sem dæmi um sókn atvinnulífsins nefndi hann að verið væri að breita frystihúsi í íbúðir.

Hins vegar er líklegt að sitt sýnist hverjum um það að frystihúsum skuli lokað en bæjarstjórinn taldi það merki um mikinn kraft.

Eftir að tímaritið Mannlíf gerði úttekt á stöðu byggða um allt land sá bæjarstjórinn sig knúinn til að „leiðrétta“ umfjöllun blaðsins um fólksflótta og brothætt ástand á Vestfjörðum.

hann stakk höfðinu í sandinn og vildi fá að vera í friði. Vildi ekki að sagt væri frá ástandinu á svæðinu, jafnvel mátti skilja að það væri hans einkamál.

það að stinga höfðinu í sandinn er vísasta leiðin til brotlendingar. Ef menn vilja ekki vita hvar þeir eru staddir er vont að vita hvert á að fara og án stefnu og markmiða verða ekki neinar breitingar eða framfarir.

[Karl V. Matthíasson, 28.2.2007 kl. 23:53]

Takk fyriri athugasemdirnar

Kalli matt