Lífeyrissjóðurinn Gildi og kannske fleiri.

Þú borgar í lífeyrissjóðinn Gildi. Þú þrælar þér út og þú verður óvinnufær. 

Aðalkallinn í Gildi kemst að því að þú ættir ekki að fá neitt út úr sjóðunum af því að þú færð pening frá Tryggingastofnun. (Kannske er svo dýrt að reka sjóðinn)

Spurning vaknar til hvers varst þú að borga þennan pening í Gildi ef þú færð ekki neitt til baka, þegar þörfin er mest?

Svo ef þu kvartar þá verður þú sem öryrki samkvæmt venju að leita réttar þíns í dómssölum allt til mannréttindadómstóla Evrópu. 

Er ekki kominn tími til að verkafólkið sjálft stjórni lífeyrissjóðunum?

Og þá það fólk sem kemur beint úr grasrótinni fólk sem fær ekki glýju í augun þegar það hittir peningafursta sem vill komast yfir þennan sparnað alþýðunnar.

Flokkarnir sem mynda ríkisstjórnina ættu að íhuga það alvarlega að leggja fram frumvarp til laga um lífeyrissjóði þar sem launþegum er skilað að fullu yfirráðum yfir þeim peningum sem þeim er gert að "spara" til mögru áranna.  Það myndi gefa lífii margra aukið gildi.

Stöndum saman

Kalli Matt

Mjólkurkvótinn - samþjöppun og einokun.

Já hverjir mega framleiða mjólk og selja hana ínn á hinn öfluga "samkeppnismarkað" mjólkurvinnslunnar?

Svar þeir sem eiga kvóta. Ef þú átt jörð og villt fara að framleiða mjólk þá verður þú að kaupa mjólkurkvóta. Af þeim sem eiga hann fyrir ef þeim þóknast.

það er sorglegt að sjá hvernig hvert mjólkurbúið á fætur öðrum hefur verið lagt niður og uppétið af MS og kannski einhverjum öðrum. Allt á forsendum hagræðingarinnar.

Hagræðingin er lausnarorð margra en hún getur leitt til einokunar. Við sjáum þetta í fjölmiðlum, við sjáum þetta í útgerðinni, byggingariðnaði og svona má lengi telja.

Er draumur hagræðingarinnar  um einn ofurtogara eitt ofurfrystihús, eina ofurbelja og eitt ofurmjólkurbú og kannske einn ofurbanka og einn ofureiganda að verða að verkuleika?

Á ekki að legga fram frumvarp um samþjöppun og einokun fyrirtækja á Íslandi? 

Hlýtur það ekki að vera hluti af hinu nýja Íslandi?

Stöndum saman

Kalli Matt

Öll viðskipti með mjólkurkvóta stöðvuð

Hvað gerist eftir rúma fjóra tíma?

Við getum svo sem ekki svarað þessu en ákveðið hefur verið að hafa æðruleysismessu í Dómkirkjunni  í kvöld kl. 20.00.

Bræðrabandið og Anna Sigríður Helgadóttir sjá um tónlist en klerkarnir Hjalli, Kalli og Anna sjá um orðið ásamt góðum gesti, sem deilir með okkur reynslu sinni. 

Ekki verður æðruleysismessa í Dómkirkjunni aftur fyrr en í september. Svo nú er upplagt að fá hleðslu á sálarbatteríið fyrir sumarið.

Hvet alla sem þetta lesa að mæta og eiga með okkur ánægjulega stund í þeim mikla helgidómi sem Dómkirkjan er.

Stöndum saman

Kalli Matt

Sæmdin.

Þetta minnir okkur á Þorgeir nokkurn Hávarson sem hékk í hvönninni  vestra og dinglaði í lausu lofti en var of stoltur til þess að kalla á hjálp.

það eru ekki bara Íslendingar sem eru stoltir heldur Kínverjar líka.

Nokkuð er þetta fyndið eða kannske grátbroslegt. 

það er allt í lagi að biðja um hjálp þegar maður er hjálpar þurfi.

Stöndum saman

Kalli Matt

Vildi ekki hringja eftir hjálp

Vitlaus tegund?

Kannski drakk hann vitlausa tegund, eða kannske hún, nema hvort tveggja hafi verið.  Verum edrú.

Stöndum saman

Kalli Matt

Kona beit eyra af manni í gleðskap

Vængjamessa í Guðríðarkirkju.

 

Vængjamessa  verðurí Guðríðarkirkju  annað kvöld kl. 20.00.

Þetta er messa sem tileinkuð er fólki er lifa vill án áfengis og vímuefna og aðstandendum alkahólista.

Falleg tónlist í umsjón Sylvíu Rúnar og Björns Tómasar og vitnisburður fólks með reynslu.

sr Karl V. Matthíasson og sr Sigríður Guðmarsdóttir þjóna fyrir altari.

Boðið er upp á kaffi eftir messu.

Allir eru hjartanlega velkomnir.

Stöndum saman.

Kalli Matt

 

Spillingarsetur á Fríkirkjuveg 11

Ein ágætasta nýsköpun sem vð höfum staðið að undanfarin ár er alls konar setur.

Refasetur, hestasetur, selasetur, landnámssetur, vesturfarasetur, ullarsetur o.s.frv.

Þessi setur eru að sjálfsögðu góð bæði fyrir okkur Íslendinga til fróðleiks og ánægju og svo skapa þau líka atvinnu sem tengist ferðamannaiðnaðinum.

Nú er upplagt að stofna spillingarsetur og mætti nota Fríkirkjuveg 11 til þess að hýsa það.

Ísland hefur vakið athygli fyrir spillingu og því væri upplagt að koma upp spillingarsetri þar sem spilling er útskýrð. Mammonsdýrkun, græðig og hroki myndu að sjálfsögðu fá þar góða umfjöllun.

Stöndum saman.

Kalli Matt

 

Verðbætur - spakmæli dagsins.

Eins og seigfljótandi hraun hrannast upp. Svo stíga upp verðbætur úr reiknivélum banka og lífeyrissjóða.

Við getum ekki breytt gosinu en við getum breytt þessu með verðbæturnar.

Heiðarleiki, hugrekki og vilji er allt sem þarf.

Stöndum saman

Kalli Matt

Ertu að hugsa um að hætta að drekka?

Eftir rúma þrjá tíma eða klukkan 20.00 hefst æðruleysismessa í Dómkirkjunni.  Ég hvet alla til að mæta.

Er ekki upplagt að ganga inn í nýja viku með því að þakka fyrir lífið og biðja um leiðsögn fyrir næstu daga?

Þeir sem eru að hugsa um það að segja skilið við Bakkus eru sérstaklega velkomnir, enda gefa þessar messur fólki styrk og kraft til að standast freistingar vímuguðsins grimma sem ber nafnið Bakkus.

Þá er það svo að mörgum líður nú illa vegna þess að einhver í fjölskyldunni datt í það og skandaliseraði, sýndi ofbeldi eða gerði einhvern annan óskunda.  Kvíðinn sem kemur af því er ekki góður og æðruleysismessan hjálpar til að eyða honum.

Allir eru hjartanleg velkomnir.

Stöndum saman.

Kalli Matt

 

Æðruleysismessa annað kvöld í Dómkirkjunni

Það verður æðruleysismessa í Dómkirkjunni annað kvöld kl. 20.00.

Við ættum að fara meira í messur en við höfum gert.

Í æðruleysismessunum er Guði þakkað fyrir lífið og við biðjum hann að leiða okkur áfram á veginum. Þó æðruleysis messurnar séu mikið hugsaðar fyrir óvirka alka og aðstandendur þá höfða þær einnig mjög vil til fjölda annarra.

Annars hver er svo sem ekki aðstandandi. Það eru ekki margar fjölskyldur í landinu sem hafa ekki orðið fyrir barðinu á brennivínu og dópi.

Í þessari messu biðjum við líka um styrk og kraft til þess að geta tekist á við allan þann vanda og erfiðleika sem að okkur steðja. 

Stöndum saman

Kalli Matt