Það var fyrir hundrað árum

Leitt að hafa ekki bloggað síðan síðast. Varð reyndar  ánægður með að 1000asti gesturinn kom fljótt eftir að ég talaði um að heimsóknirnar væru að verða 1000. En það er rétt sem sagt er - heimsóknum fækkar ef ekki er bloggað - eðlilega. 

Í dag var ég á vel sóttum fundi ásamt  Ellert B. Schram og Guðbjarti Hannessyni  á Akranesi með 60+ þar kom fram megn óánægja með hvernig málum er nú háttað hjá eldri borgurum  þessa lands. 

Margt var rætt á þessum fundi en séstaklega var talað um tekjutengingarnar og hversu  fárálegar þær væru og hvernig verið væri að breyta almanntryggingakerfinu í félagagsmálastofnun og refsa fólki fyrir að spara. Já, Þarna kom fram skýr vilji til þess að  afnema tekjutenginarnar og að allt fólk ætti þann rétt -- eftir að hafa greitt skatta og skyldur í áratugi -- að samfélagið skilaði því í sanngjörnum greiðslum.  Á þessum fundi kom líka mjög sterkt fram að samfélag okkar ætti að vera þannig að enginn liði skort og þess vegna ætti líka að hlúa mun betur að öryrkjum og fátæku fólki. 

Það var mjög áhrifaríkt að heyra í fundargestum tjá sig og segja frá misjöfnum kjörum sínum og aðstæðum.  Þarna var fólk sem býr yfir mikilli lífsreynslu og hefur þjónað landi sínu og þjóð dyggilega og átt ríkan þátt  í því að hafa skapað Ísland velferðarinnar sem því miður virðist vera á niðuleið. 

Greinilegt er að ríkisstjórnin hefur setið of lengi. Hún heyrir hvorki né sér, að margt verður að bæta og endurskoða svo við lendum ekki í tröppunni þar sem gömlu fólki, öryrkjum og fátæklingum er ekki sinnt á nokkurn hátt. -- Í þeirri tröppu vorum við fyrir hundrað árum.

Breytum þessu!! 

Stöndum saman

X  -S (Success)

Kalli Matt

Athugasemdir

[Haraldur Haraldsson, 18.2.2007 kl. 01:10]

Já Kalli Matt ,satt segirðu að þessi Rikisjorn er búin að sitja of lengi/það þarf að stokka þarna upp,ið vonadi berum gævu til þessa baðir að sjá það ske,setaklega er mer að skapi maður að nefni Ellert B Schram  hann var XD maður eins og eg en  sá sig um hönd/en eg berst ennþá !!!Kveðjur Halii Gamli

[Jón Steinar Ragnarsson, 18.2.2007 kl. 03:27]

Þetta er hneysa.  Við eigum að spyrja okkur sjálf hvort við vildum búa við þetta. Ef svarið er já þá mun þetta hlutskipti verða okkar á næstu árum.  Það er óþarfi að aðgreina eldra fólk frá yngra í þessu samhengi. Þetta eru hagsmunir okkar allra, sem eru í húfi.  Ekki mun ég vilja beygja mig undir slíkt og þvílíkt þegar að mér kemur.

Hagsmunir gamla fólksins eru hagsmunir okkar þegar fram í sækir.  Ef við lifum svo lengi, þ.e.a.s.

[edda Agnarsdóttir (IP-tala skráð) 18.2.2007 kl. 10:44]

 

Heyrðu! Heldurðu ekki Guðni landbúnaðar... sé farin að opna sig um skattamál eldri borgara Kanaríeyjabarnum.

Hann telur alveg hugsanlegt að breyta skattareglum lífeyristeknana. Ellert segir í Fréttablaðinu í dag að það væri vonandi að hann færi sem oftast til Kanarí!