Sr. Pétur Þórarinsson -- Í bljúgri bæn

 Séra Pétur Þórarinsson er látinn. Öðlingur, elskulegur, glaðvær, fallegur, þolinmóður og  hetja.  Guð blessi minninguna um hann og gefi fólkinu hans öllu styrk í sorg og söknuði. 

Sr. Pétur orti þennan sálm sem hefur veitt mörgun huggun, gleði og aukna trú.  

 Í bljúgri bæn og þökk til þín.

Í bljúgri bæn og þökk til þín,
sem þekkir mig og verkin mín.
Ég leita þín, Guð leiddu mig
og lýstu mér um ævistig.

Ég reika oft á rangri leið,
sú rétta virðist aldrei greið.
Ég geri margt, sem miður fer,
og man svo sjaldan eftir þér.

Sú ein er bæn í brjósti mér,
ég betur kunni þjóna þér,
því veit mér feta veginn þinn,
að verðir þú æ Drottinn minn. 

P.Þ.

 

 

 

Athugasemdir

[Jón Steinar Ragnarsson, 1.3.2007 kl. 23:21]

Já, blessuð sé mining hans. Þetta hefur brætt margt íshjartað í litlu kirkjunni okkar á Staðarfelli.  Þvílíkur léttir og gleði, sem því fylgir.

[Þorsteinn Jón (IP-tala skráð) 2.3.2007 kl. 13:45]

Þetta var ljúft hjá þér um hann sr. Pétur Þórarinsson

Þorsteinn Jón