Fangar og fangaverðir

Fangelsismál á Íslandi eru í hinum mesta ólestri. Við erum með fanglesi í notkun sem er algerlega óvðiunandi og okkur til skammar. það er fangelsið á Skólvörðustíg 9. Og ekki er að efa að betur má fara í öðrum fangelsum hér á landi.

Fram kom í fréttum í gær (21. mars) að fangelsin eru orðin full - svo þröngt setin að þeim sem koma til afplánunar er vísað frá.  það hlýtur að vera erfitt að vera dæmdur maður sem hefur undirbúið sig til afplánunar og mæta til fangavistar sinnar og fá þau svör að maður skuli koma síðar.

Þá er einnig mjög  dapurlegt að sjá svo í fréttum daginn efitr þessar fréttir að fangavörðum er haldið nauðugum við vinnu sína, en þeir eru margir komnir að því gefast upp í störfum sínum vegna afar lakra kjara. Meira að segja samninganefnd ríkisins viðurkennir að svo sé, en ekkert er gert í málinu heldur gripið til lagaákvæða, sem knýja þá til áframhaldandi vinnu.  

Störf fangavarða eru gríðarlega mikilvæg og krefjandi og við hljótum að gera þá sjálfsögðu kröfu að þeim líði vel í starfi sínu og eigi góð tækifæri til að eflast í vinnu sinni með aukinni starrfsmenntun og námsferðum til þeirra landa sem við viljum eiga samneyti við í mannréttindamálum.

Við getu séð hilla undir nýja tíma í þessum efnum með því að fá aðra til að stýra fangelsismálum þjóðarinnar.  Það er meðal annars gert með því að tryggja Samfylkingunni góða útkomu í kosningunum í þann 12. maí næstkomandi.

Stöndum saman

X - S

Kalli Matt

Athugasemdir

[Pétur Björgvin, 23.3.2007 kl. 11:00]

Allt gott og blessað, en eruð þið með nákvæmari stefnu í þessum málum en þú nefnir hér, fann ekkert á síðu Samfylkingarinnar!??

[Eyrbekkingur (IP-tala skráð) 24.3.2007 kl. 00:23]

Mikið rétt hjá þér séra minn kjör eru alls óviðunandi hjá fangavörðum.

Stjórnvöld hafa alldrei viljað vita af þessum málaflokk. Þann 16/3 var Ágúst Ólafur í ræðustól á þingi og hafði hátt um lögreglumenn og tollverði, hvað störf þeirra væru hættuleg og mikið um að þeim væri hótað og þeirra fjölskyldum. Ég hringdi í G.S.M síma Ágústar og spurði hann hvort hann væri ekki að gleyma fangavörðum.Ágúst brást strax við og bað um orðið og eiddi löngum tíma í að ræða kjör fangavarða. Fleiri ræddu ekki mál fangavarða, jú aðeins Össur eftir að Ágúst hafði sett miða í hendi hans.

[Björn Heiðdal, 24.3.2007 kl. 16:42]

Samfylkingin á að beita sér fyrir fjölgun fanga og fangelsa.  Framboð og eftirspurn verða að haldast í hendur.  Tvö stór fangelsi handa Vestfirðingum gætu komið í staðin fyrir eitt álver.