Áhættuhegðun ungra ökumanna.

Slysavarnarráð og Umferðarráð standa fyrir morgunfundi um áhættuhegðun ungra ökumanna. Tveir hollenskir sérfræðingar auk sérfræðings frá Umferðarstofu munu halda fyrirlestra og rými verður fyrir spurningar og umræður. Slys í umferðinni eru ein helsta dánarorsök ungs fólks á aldrinum 17 til 24 ára í OECD-löndunum. Árið 2004 leiddi OECD saman ráðgjafanefnd sem ætlað var að kanna og skilja þá þætti sem hafa áhrif á slysatíðni ungra ökumanna og leita leiða til að draga úr þessum háa fórnarkostnaði. Fyrst tekur til máls Divera Twisk, erindið sem hún flytur nefnist „Young drivers: the road to safety - Recommendations from the OECD International Expert Group“.   Í fyrirlestrinum verður fjallað um þær nálganir sem nefndinni þóttu vænlegar til árangurs og hvernig koma megi þeim í framkvæmd. Nefndin komst einnig að því að ákveðnar reglur og leiðir sem ætlað er að draga úr þessum vanda eru ekki áhrifaríkar og sumar jafnvel skaðlegar. Divera Twisk er verkefnisstjóri rannsókna á mannlegri hegðun hjá SWOV, stofnun um umferðarrannsóknir í Leidschendam. Stofnunin er þverfagleg rannsóknarstofnun sem hefur að markmiði að efla öryggi á vegum úti með stuðningi vísindalegra rannsókna. Helstu rannsóknaráherslur Diveru Twisk eru mynstur slysa, ungir ökumenn og námsferli þeirra auk nálgana sem skoða mannlega þætti. Divera Twisk situr í fjölmörgum alþjóðlegum nefndum er varða umferðaröryggi.  Næsti fyrirlesari er Willem Vlakveld. Erindi hans nefnist „Why do young novice drivers have such a high crash rate?“ Fjölmargar ástæður liggja á bak við háa slysatíðni ungra ökumanna. Meðal þeirra er hæfni til að meta eigin getu og einnig hvernig einstaklingurinn skynjar áhættu. Undirliggjandi þættir voru settir fram í eftirfarandi þyrpingar; 1) aldur, kyn og þroski í heilastarfsemi, 2) menntun, þjálfun og lífstíll, 3) skert hæfni í akstri; áfengi, ólögleg vímuefni, en einnig; þreyta, tilfinningar og truflanir, 4) skynjun, greining aðstæðna, ákvarðanataka og 5) bílnotkun. Willem Vlakveld starfar einnig hjá SWOV í Leidschendam. Helstu rannsóknarefni hans eru ungir ökumenn, ökukennsla, áhrif refsipunkta og rannsóknir á áhættuskynjun og þjálfun. Vlakveld starfaði áður sem ráðgjafi varðandi öryggi á vegum í samgönguráðuneyti Hollands. Síðasti fyrirlesari er Holger Torp, verkefnastjóri ökunáms hjá Umferðastofu, og hann segir frá námskeiði vegna akstursbanns og árangur af því.  Ökumenn sem hafa bráðabirgðaskírteini fara í akstursbann fái þeir fjóra refsipunkta eða fleiri í ökuferil, og verða að ljúka sérstöku námskeiði og endurtaka ökupróf til að fá ökuskírteini að nýju. Sama á við um þá ungu ökumenn sem fá sviptingu af einhverju tagi, þeir þurfa líka að sitja þetta sérstakt námskeið og endurtaka ökuprófið.   Skráning fer fram í gegnum vef Lýðheilsustöðvar (www.lydheilsustod.is/skraning ) og þátttökugjald er 2000 krónur. Frestur til að skrá sig er til kl. 12 á hádegi mánudaginn  8. september.  DAGSKRÁ FUNDARINS 08.00                Fullnaðarskráning / morgunverðarhlaðborð08.20                Setning fundar – Karl V. Matthíasson, formaður UmferðaráðsÁvarp – Kristján Möller, Samgönguráðherra08.30                Young drivers:  the road to safety - Recommendations from the OECD international expert group                        Fyrirlesari  Divera Twisk09.00                Why do  young novice drivers have such a high crash rate?Fyrirlesari  Willem Vlakveld09.30                Námskeið vegna akstursbanns og árangur af því Fyrirlesari  Holger Torp09.45                Umræður og fyrirspurnir

10.00                Fundarslit -  Brynjólfur Mogensen, formaður Slysavarnaráðs 

Þetta verður örugglega ágætis fundur.

Stöndum saman

Kalli Matt   

 

Athugasemdir

[haraldurhar, 8.9.2008 kl. 10:04]

   Sæll Karl.

      Áhugavert og þarft málefni. Hafðu mína þakkir fyrir.

     Það sem ég vildi bennda þér á Karl að það er veruleg áhætta fólginn í því að kjósa Samfylkinguna, og nú er hún hefur fetað í fótspor Framsóknar í ríkistjórnarsamstafinu að kokgleypa all er frá íhaldinu kemur. Hafa ekki manndóm í sér að afnema eftirlaunalöginn, gera ekkert í fiskveiðistjórnunakerfinu, og hunsa dóm mannréttindast. SÞ.  Hækka ekki skattleysismörk, halda áfram bruðli í utanrikisþjónusunni, og stofna til nýrra stórútgjalda vegna loftvarna. Framantaldir punktar eru mér og mörgum er ég umgengst nægar ástæður til að láta af stuðningi við flokk þinn.

[Sigurður Sigurðsson, 8.9.2008 kl. 12:34]

Jedúddamíaogmellurnarmeð.

Alltaf gaman að sjá gamla komma eins og þig og mig vera komna undir pilsnafald Samfylkingarinnar. Margt var brallað hjá okkur í Fylkingunni í gamla daga, en ég náði þó aldrei að láta stinga mér inn fyrir pólítísk ólæti eins og þú. Gisti að vísu í steininum tvisvar, í bæði skiptin fyrir fyllerí.

En léstu verða af því að fara til Moskvu á sínum tíma? Ég fór nú á sjóinn og missti af öllu fjörinu, þurfti að afskrá mig a.m.k. einu sinni úr Moskvuferð, fyrst hópferðina frægu og góðu og síðan þegar Einar vildi senda mig á ungkommúnistaskólann.

Byltingin okkar kemur víst ekki úr þessu enda erum við gömlu kommarnir flestir orðnir kratar amk að nafninu til.

[Karl V. Matthíasson, 9.9.2008 kl. 00:42]

Takk fyrir athugarsemdir.

Er ekki sammála í öllu. Til að koma sem flestum málum Samfylkingarinnar í höfn þurfa sem allra flestir að leggja henni lið.

Stöndum saman.

Kalli Matt

[Sigurður Sigurðsson, 9.9.2008 kl. 17:57]

Ekki vill tugthúspresturinn svara gömlum vopnabróður. Jedúddamíaogmeðhjálparinnmeð.

Sumir skamma sín greinilega fyrir hina kommúnistísku fortíðardrauma.