Norðurland vestra

Nú lá leiðin norður á Skagaströnd. Þar hefur sjávarútbegsfyrirtæki á Króknum keypt upp hina öflugu útgerð Skagstrendinga.  Fólkið á Skagaströnd er uggandi vegan þess að blikur eru á lofti um að fiskvinnslan verði endanlega flutt á Krókinn.  Það er fiskmarkaður á Skagaströnd sem selur mikinn fisk. Kannske geta Skagstrendingar byrjað upp á nýtt og farið að verka þennan fisk.  Vonandi tekst þeim að  komast út úr aðsteðjandi vanda. og vonandi munu mótvægisaðgerðir koma að notum þegar fram líða stundir. Á Skagaströnd vorum við rukkaðir um störf án staðsetningar og var það ekki að ósekju. Við verðum að spýta í lófana hvað þetta varðar og standa okkur betur. 

Frá Skagaströnd var farið í Varmahlíð og gamla félagsheimilið skoðað.  Það er í endurbyggingu og kostar mikinn pening að gera við það og endurnýja.  Á hótelinu í Varmahlíð var síðan fundur með sveitarstjórnamönnum í gamal Noðurlandi vestra. það var góður fundur og margar brýningar og hvatningar fengum við þingmenn. Verknámsbygging var skoðuð á Króknum og kynning þar. Deginum lauk svo á Hólum í Hjaltadal, þeim helga stað og vorum við við afhendingu styrkja sem úthlutað var vegna mennningarsamningsins.   Þetta var langur dagur, sem vonandi skilar sínu í Norðurland vestra.

Stöndum saman

 Kalli Matt

Vesturland og Vestfirðir.

Í gær vorum við þingmenn Norvesturkjördæmis á ferðinni í Borgarnesi og áttum fund með sveitarstjórnarmönnum Vesturlands. Það var mjög gott að eiga þennan fund og heyra, hvað hvert og eitt sveitarfélag er að leggja áherslu á.  Síðan heimsóttum við nýjan menntaskóla í Borgarnesi og þaðan lá leiðin í Landbúnaðarháskólann á Hvanneyri.

Í morgun flugum við vestur á firði.  Þar  skoðuðum fiskvinnsluna á Flateyri sem er nýkomin í gang. Þaðan fórum við í Orkubú Vestfjarða á Ísafirði og fengum þar góða kynningu. Svo fórum við á aðra kynningu í Háskólasetrið. Þá áttum við sams konar fund með sveitarstjórnarmönnum á Vestfjörðum og í Borgarnesi- (Vesturbyggð og Tálknafjörður voru með í gegnum fjarfundarbúnað - kom það vel út).  

Greinilegt er að við verðum að fylgja fyrirhuguðum byggðaaðgerum mjög vel eftir og bæta frekar í en hitt. 

Ég held að margir hafi ekki gert sér grein fyrir því, að staða byggðamála var orðin mjög alvarleg fyrir niðurskurð þorskveiðiheimildanna og því má spyrja:

"Var niðurskurðu þorskveiðiheimildanna til þess að vekja marga til meðvitundar um bága stöðu margra byggða og með þeim hætti jákvæð aðgerð?"

Fiskverð hefur reyndar farið hækkandi og er það vel -  vonandi hækkar það um 30% sem nemur niðurskurðinum. Og ef svo fer þá verður tjónið ekki eins mikið en ef til engrar verhækkunar kæmi.

Að lokum áttum við góðan fund með hestamönnum  en þeir missa aðstöðu sína vegna þess að hún fer undir veg sem liggur frá nýjum jarðgöngum.

Á föstudaginn munum við svo eiga fundi á Norðulandi Vestra.

Berjumst fyrir bættri byggð og stöndum saman.

Kalli Matt

 

Í Kanada

Ég fór á þing Norðurheimskautsráðsins i Kanada um daginn og var það nokkur reynsla.

Mikið var rætt um hlýnun jarðar og þær breytingar sem eiga sér stað á norður hveli jarðar. Nýjar siglingaleiðir eru að opnast og ljóst er að umferð um þetta svæði fer vaxandi. Í telgslum við þetta var rætt um björgunarmál og nauðsyn þess að auka viðbúnað  og standa klár á því að hvers konar slys geta hent.

Þá var sagt frá mjög miklum vandamálum sem hrjá frumbyggjaþjóðir á þessum slóðum vegna áfengsdrykkju og aukinnar fíkniefnaneyslu.  Sjálfsvíg ungra manna eru þar tíð og ofbeldi mikið. Það var greinlegt að fólkið sem gerði grein fyrir skýrslunni var mjög slegið vegna þessarar stöðu og augljóst er að áfengisneysla er mikill bölvaldur á þessum slóðum.  Vonandi tekst að vinna gegn þessari vá og opna augu hinna þjáðu víndýrkenda fyrir því að erfiðleikar lífisins og þrautir verða ekki sigraðar með alkóhóldrykkju eða annarri fíkniefna neyslu. 

Förum edrú að sofa og stöndum saman.

Kalli Matt