Samfylkingin, definitely (with) the best party in the world!

Samfylkingin verður með opnun kosningaskrifstofu sinnar á Akranesi laugardaginn 3. mars kl. 15.00  Skólabraut 30.

Þar verður menning, pólitík list og gaman.  Snillingarnir Rakel Pálsdóttir og Þór Birgisson munu koma fram, syngja og gleðja gesti, en sem kunnugt er hafa þau unnið glæsta leiksigra í sýningu Fjölbrautarskólans á Akranesi  Almost famous.

Þá munu frambjóðendur listans mæta á staðinn og hrista ýmislegt fram úr erminni.  Þórunn Sveinbjarnardóttir mun einnig heiðra opnunina með nærveru sinni en hún er okkur öllum að góðu kunn fyrir orð sín til friðareflingar í heimi.

Það verður sem sagt party hjá Samfylkingunni á Akranesi kl. 15.00.

Lifi Samfylkingin, mætum öll.

Stöndum saman

X - S (Success)

Kalli Matt

Æ, sér göng til gjalda.

Já nú er viðburðarrík vinnuvika á enda. Og margt hefur gerst bæði í lífu mínu og annarra.

Aðgerðirnar við Hvalfjarðargangnamunnann voru mjög skemmtilegar og geinilegt að fólki finnst það hljóma vel sem við Samfylkingarmenn leggjum þar fram.

Sumir horfa á ný göng með gjödlum og reyndar ýmsar aðrar vegaframkvæmdir. Í mínum huga erum við að greiða mikla vegatolla í bensíni og olíu, Við það þarf ekki að bæta. það gæti endað í nokkrum tugum gjaldskýla við vegi landsins og göng. 

 En hér koma punktarnir sem við dreifðum á staðnum.                                   

 

                                   

Betur má ef duga skalGjaldfrjáls göng 

• Í dag, 1. mars, lækkar virðisaukaskattur á veggjaldið í Hvalfjarðargöngunum úr 14% í 7%, og verða nú einstakar ferðir fólksbíla seldar á 900.- kr. og ódýrustu ferðir fólksbíla, þar sem greitt er fyrirfram fyrir 100 ferðir, kosta 253.- kr. ferðin.

 

• Samfylkingin í NV-kjördæmi segir “Betur má ef duga skal”.  Eftir nær 9 ára rekstur Hvalfjarðarganga er eðlilegt að göngin verði gjaldfrjáls eins og aðrir þjóðvegir landsins og þannig verði jafnræði milli landshluta aukið. 

 Rökstuðningur:

• Hvalfjarðargöngin eru eini vegspottinn í íslenska vegakerfinu, þar sem greiða þarf veggjald.  Nýjar og fjárfrekar framkvæmdir hafa ekki verið fjármagnaðar með skattlagningu á notendur þeirra.

 

• Hvalfjarðargöngin hafa fyrir löngu sannað gildi sitt og er útilokað að sú umferð sem nú fer um göngin, geti öll farið gamla veginn fyrir Hvalfjörð.

 

• Veggjaldið leggst þyngra á íbúa Norðvesturkjördæmis, og þá einkum íbúa Vesturlands, en á aðra íbúa þessa lands og mismunar þannig landssvæðum.

 

• Hvalfjarðargöngin hafa þegar sparað samfélaginu stórfé við endurbætur og nýlagningu vegar fyrir Hvalfjörð.

 

• Hvalfjarðargöngin hafa aukið umferðaröruggi og minnkað slysatíðni.

 

• Samfylkinging fagnar tillögum um Sundabraut og tvöföldun þjóðvegarins norðan Hvalfjarðar, allt upp í Borgarfjörð, og undirbúningi tvöföldunar Hvalfjarðarganganna en telur óásættanlegt að gjaldtaka af Hvalfjarðargöngum fjármagni slíkan undirbúning.

Margt er ógert í samgöngumálum sem verður að taka á hið fyrsta bæði á þessum vettvangi og miklu víðar. Vinnum að bættari samgöngum 

Stöndum saman

X  -  S  (Success)

Kalli Matt   

Sr. Pétur Þórarinsson -- Í bljúgri bæn

 Séra Pétur Þórarinsson er látinn. Öðlingur, elskulegur, glaðvær, fallegur, þolinmóður og  hetja.  Guð blessi minninguna um hann og gefi fólkinu hans öllu styrk í sorg og söknuði. 

Sr. Pétur orti þennan sálm sem hefur veitt mörgun huggun, gleði og aukna trú.  

 Í bljúgri bæn og þökk til þín.

Í bljúgri bæn og þökk til þín,
sem þekkir mig og verkin mín.
Ég leita þín, Guð leiddu mig
og lýstu mér um ævistig.

Ég reika oft á rangri leið,
sú rétta virðist aldrei greið.
Ég geri margt, sem miður fer,
og man svo sjaldan eftir þér.

Sú ein er bæn í brjósti mér,
ég betur kunni þjóna þér,
því veit mér feta veginn þinn,
að verðir þú æ Drottinn minn. 

P.Þ.

 

 

 

Flóðbylgja á leiðinni?

Var að lesa í Fréttablaðinu í dag.  Þar er frétt um aukningu fjárnámsbeiðna. Hver er ástæðan?  Einhver bankamaður talaði um eyðslusemi skuldaranna, en vék ekki að okurvöxtunum og verðbótunum (beltunum og axlaböndunum), sem gætu verið stór þáttu í þessum auknum fjárnámskröfum. Vondandi er ekki flóðbylgja gjaldþrota á leiðinni.

Stuðlum að stöðugleika

Stöndum saman

X - S (Success)

Kalli Matt

Er Bónus ljósið í myrkrinu?

Sé miðað við fréttir af ákærum og endlausum yfirheyrslum yfir eigendum Bónuss er það  kaldhæðnislegt að maður heyri aftur og aftur að koma Bónus sé það jákvæðasta sem komið hefur á norðanverða Vesfirði og reyndar annars staðar á landsbyggðina síðustu árin.

Margir velta því fyrir sér hvað sé eiginlega í gangi og hvern sé hægt að ákæra fyrir það sem hefur riðið yfir í atvinnumálum á Vestfjörðum undanfarin ár.

Veljum aðra valdhafa

Stöndum saman

X -S (Success)

Kalli Matt

Kolbrún Sverrisdóttir.

Eftirfarandi athugasemd kemur frá Kollu Sverris á Ísafirði við skrifum mínum um utandagskrárumræðu Önnu Kristínar Gunnarsdóttur. Þessi orð endurspegla hina ömurlega stöðu sem komin er upp í atvinnumálunum vestra.  Rétturinn til að veiða fisk fer minnkandi og  einokunarvæðing ríkisstjórnarinnar leiðir markvisst til hruns. 

Og enn einn skemmdi ávöxturinn er þróunin hjá Símanum, sem var að segja upp fólki.  Hvað er til ráða? Númer eitt er að fá nýju fólki völdin í hendur -- fólki sem vill hlusta og hefur von og trú á því að hægt sé að breyta. 

En hér koma orð Kollu Sverris

Já þetta var gott hjá Önnu ,en mér finnst kannski ekki skipta máli hver byrjaði umræðuna heldur að þingmennirnir eru á launum hjá okkur og þeir eiga að vera meðvitaðir um atvinnuástandið hér og eiga að vinna sína vinnu.

Hér verður ekki unað við óbreytt ástand..... og í Guðs bænum ekki leggjast í það að slá ykkur til riddara í aðdraganda kosninga að minnsta kosti ekki þið, sama í hvaða flokki þið eruð, sem hafið setið á þingi sl.fjögur ár hvar hafið þið verið jafnt samflokksmenn mínir sem og Steingrímur J svo ég tali nú ekki um nýuppfundinn Byggðamálaráðherra.... 

Hér eru menn meðal annars að súpa seiðið af sölu  eða eigum við að segja gjöfum ríkisstjórnar Íslands á ríkisfyrirtækjum. NEI nú segjum við stopp Vestfirðingar sama hvar í flokki við erum við látum ekki bjóða okkur meir, það er kominn tími á uppgjör þar sem að menn þurfa að átta sig á að byggðunum blæðir á meðan sameiginlegir sjóðir okkar landsmanna fara aðallega í uppbyggingu á stór-Reykjavíkursvæðinu.

Valdnýðsla og hroki verður ekki lengur liðin af ríkisvaldinu stöndum saman sem einn maður og krefjumst breytinga.

Með baráttukveðju að vestan minnug þess að það dugar ekki að minna á sig á fjögurra ára fresti.

Kveðja
Kolbrún Sverrisdóttir

P.s. Nú geri ég eins og Össur vinur minn gerði um árið þegar hann kallaði Baugsfeðga bófa og gangstera, ýti á send á meðan ég er nógu reið, nema að ég ætla að senda Jóhannesi í Bónus mínar bestu kveðjur því það er hann sem heldur landsbyggðarlýðnum gangandi með lágu vöruverði.

Óskráður (kolbrún Sverrisdóttir), 28.2.2007 kl. 20:40

Anna Kristín Gunnarsdóttir með utandagskrárumræðu.

Er betri en í dag, lét mig hafa það af fara fram úr og  horfa og hlusta á fréttir, þar  kom fram að Anna Kristín Gunnarsdóttir vakti utandagskrárumræðu um byggðahrun sumra svæða í Norðvesturkjördæmi.  Mér fannst bæði RUV og Stöð 2 gera of lítið úr frækilegri framgöngu hennar en sýna aðra þingmenn meira og jafnvel mátti skilja á stöð 2 í lok fréttanna að Steingrímur J. hefði verið aðla í umræðunni.

RUV og Stöð 2:  Vinnum að nákvæmum fréttaflutningi .

Stöndum saman

X -  S (Success)

Kalli Matt

Köld kók í gleri

Kom við í tölvunni af því að ég skrapp fram í eldhús að fá mér íbúfen því ég er líklega kominn með flensuna, höfuðverkur og svo framvegis. 

Kyrrðardagarnir í Skálholti gengu þó vel og ferðin í Fellabæ líka. Og æðruleysissmessan þar var einnig mjög góð. Flaug yfir landið í frábæru skyggni í gær og sá hvað það er stórkostlega fallegt.

Vildi bara melda mig inn.  Ætlaði að gera annað í dag en að vera veikur og taka við vorkunnsemi,  konan fór út í búð að kaupa kalda kók í gleri.

það er gott við magaólgu, ógleði og hefur verið svo frá því ég var litill strákur, skríð nú aftru í bólið.

 Vinnum að bættri heilsu

Stöndum saman

X - S (Success)

Kalli Matt

Dularfulla bréfið.

Ég var að hlusta á fréttirnar um hið nafnlausa bréf. Hver er tilgangurinn er hann að vekja ótta, hræða dómarana og kannske fleiri?

Ég hef ekki séð bréfið,  en er kannski lagt til í því að allir hæstaréttardómararnir verði reknir nema Jón Steinar og Börkur.  

Leggur bréfritarinn kannski til hvernig dómar skulu falla í  Baugsmálinu?

En annars: Nú er ég að fara í Skálholt til að vera með hugvekju á kyrrðardögum um helgina og taka þát í þeim. Hlakka mikið til veðrið er svo fallegt og vonandi mun kyrrðin þar hafa góð áhrif á sál mína og hinna sem koma.

Mun þar fjalla um afsiðun alkahólismans og gildi manneskjunnar.  Á meðan verður veröldina að kljást við það að ég blogga ekki fyrr en á mánudag því ég fer austur á sunnudag síðdegis til að predika í æðruleysismessu í Kirkjuselinu í Fellabæhjá um kvöldið hjá sr. Láru Odds austur á héraði.

Biðjum þess að bréfritarinn og við öll eigum góða helgi.

Kalli Matt. 

OKURVÆÐINGIN

Ég veit ekki á hvern ungi Sjálfstæðisflokks þingamaðurinn var að benda, þegar hann var að tala eitthvað í þinginu um að allt væri í himnalagi í kjaramálum þjóðarinnar.  

Ég veit ekki heldur hvort hann telji ,að fólkíð sem fær okurrukkanir og gjalda í hausinn frá bönkunum þegar verið er að  rukka húsnæðislánin og önnur lán sé heimskt og vitlaust.

Almenningur er ekki aðeins að upplifa að einkavæðingin sé orðin að einokunarvæðingur heldur líka okurvæðingu.

Að æpa og ópa er siður hins óttaslegna og nú er íhaldið hrætt þess vegna eigum við eftir að sjá meira slíku fyrir kosningarnar.

 Berjumst gegn okurvæðingunni.

 

Stöndum saman

X -S (Success)

Kalli Matt