Kræklingaostur

Það var mikið ánægjuefni að lesa fréttina um kræklingarækt í mynni Hvammsfjarðar. Við hljótum að leggja mikla áherslu á slíka atvinnugrein sem kræklingarækt er.  Í Evrópu er gríðarlega mikið etið af kræklingi. Hátt á annað hundrað þúsund tonn á ári.

Ég minnst þess þegar ég fór einu sinni á markað í eina borg í Belgíu að heilu sölubásarnir þar voru eingögnu með krækling. Það er í rauninni skandall hvað þessi möguleiki hefur verið litið notaður og lítill gaumur gefinn og allt of lítill peningur settur í þessa nýsköpun. Hér er atvinnugrein sem fjlótt á litið gæti orðið mikilvæg við ströndina ekki síst í fjörðum okkar. Þetta er líka staðbundin atvinnu grein og "kvótinn" verður ekki seldur burtu.

Í Búðardal er mikil hefð fyrir matvælaiðnaði enda hafa komið þaðan frábærar kjötvörur og svo auðvitða mjólkurvörurnar frá mjólkurvinnslunni þar.  Kannski eiga þeir eftir að framleiða kræklingaost (nú þegar er til rækjuostur) í Búðardal. Ég býð mig fram til að vera smakkari ef Búðdælingar fara út í þessa starfsemi.

Gerum álhlé og horfum nú frekar til aukinnar matvælaframleiðslu bæði í skelrækt hvers konar og einnig skulum við auka stuðning við rannsóknir í þorskeldi, ýsueldi, lúðueldi og svo framvegis.  Það vantar alltaf fiskmeti og annan hollan mat.

Byggjum upp og styðjum byggð við ströndina.

 Stöndum saman

X - S  (Success)

 Kalli Matt

 

Sjóflutningar á landi

Nú eru skipaflutningar með strönd landsins nærri aflagðir og mestur afli sem  berst að landi er keyrður í stórum flutningabílum suður til uppskipunarhafnarinnar í Reykjavík  eða í flug.  

Við flytjum þúsundir tonna af fiski eftir vegum landsins á í hverjum mánuði. Þetta hefur mikil  áhrif á vegina og svo auðvitað umferðina líka. Það er rosalegt að mæta stórum flutningabílum með tengivagna aftan í og maður dáist í rauninni að því hversu góðir og tilitssamir flestir vöruflutningabílstjórarnir eru.

Ég fékk far  á dögunum með einum slíkum bíl frá Blönduósi til Reykjvíkur. Skyggni var slæmt og hálkublettir enda varð mér ekki um sel í einni hálku brekkunni niður Holtavörðuheiði. En bílstjórinn var öryggið uppmálað og allt fór vel.  Ég hugsaði samt með mér:  "Þetta er svakalegt."  Að auki eru hinir malbikuðu  vegir orðnir svo slitnir og dældaðir eftir allan þennan þungaakstur að mér fannst um tíma sem ég væru um borð í gamla  Svani  SH 111 á vertíðinni með Össa skipstjóra.  Hið  sama verður sagt um Mýrarnar og reyndar leiðina  alla frá Vegamótum að Borgarnesi. 

Vegakerfiði  -sýnist mér  -- byggt fyrir fólksbíla og enginn virðist hafa áttað sig á gríðarlegri aukningu þungaflutninga um þessa vegi og því eru þeir orðnir eins og bylgjur hafsins.  Í þeim skilningi má tala um sjóflutninga á landi.

Við erum greinilega í slæmri stöðu í vegamálunum. Fullt er af ómalbikuðum vegum um byggðir landsins meira að segja mjög fjölförnum og líka fullt af vegum sem eru að verða óökuhæfir vegna þugnaflutninganna sem þessi vegir bera alls ekki. 

Og nú í litlum frostum bætast svo þungatakmarkanir ofan á þetta sem er auðvita bagalegt fyrir flutningafyrirtækin og þá sem nota þjónustu þeirra.  það kallar á enn fleiri ferðir og aukna mengun og kostnað.

 Annað hvort verðum við að byggja mun breiðari og mun betur undirbyggða vegi. Eða þá að hefja sjóflutninga á ný til vegs og virðingar, og svo má líka ímynda sér að sérstakar vörubifreiða  eða --lesta brautir verði lagðar um landið. 

Þessar hugsnir fóru um huga minn í dag þegar ég var að fara suður Mýrarnar og sjúkrabíll tók fram úr mér á fleygi ferðu -  ögugglega með sjúkling um borð. Bílinn dúaði upp og niður og vona ég að sjúkingurinn hafi verð bundinn í körfuna sína.

Bætum (Stórbætum) vegakerfið okkar.

 Stöndum saman

 X -S (Success)

Kalli Matt

Starfs- iðn- og tækninám - Ný sýn

 

Eitt það flottasta sem ég hef verið vitni að í skólastarfi var þegar skólastjóri einn í grunnskóla hafði forgöngu um það að einn drengur, sem átti erfitt með að skilja tilgang miðmyndar, frumlags, viðtengingarhátta, eðlismassa, veldisvísa og svo framvegis, færi í aukið starfsnám og minna bóknám. 

Það hefur verið stórkostlegt að fylgjast með því hvað þessi drengur hefur dafnað og sprungið út á meðan sumir jafnaldrar hans hafa helst úr lestinni. 

Nú er hann þessi ungi drengur orðinn reglusamur og ábyrgur heimilsfaðir í góðu starfi..  

Þetta datt mér í hug þegar ég heyrði fréttina áðan um hugsanlega sameiningu Iðnskólans og Fjöltækniskólans. Því það er mjög gott þegar iðnaðarmenn geta aukið starfs og tækninmenntun sína og haldið áfram á sinni braut án þess að þurfa að fara í gegnum sérstakt stúdentspróf og byrja á vissan hátt upp á nýtt.  Já, það er ánægjulegt þegar menn sjá betur mikilvægi  tengsla hugar og handar. Og það er jákvætt þegar við erum opinn í hugsun allri um menntun og störf en lokum fólk ekki inni í atvinnugein sinni. 

En mér finnst  líka að við ættum að auka möguleika þeirra sem eru ekki mikilir bókamenn til aukinnar menntuanr í alls konar starfsgreinum þó þeir ljúki ekki sveinsprófi eða háskólagráðu.

Verum opin og víðsýn

Stöndum saman

X - S (Success)

Það var fyrir hundrað árum

Leitt að hafa ekki bloggað síðan síðast. Varð reyndar  ánægður með að 1000asti gesturinn kom fljótt eftir að ég talaði um að heimsóknirnar væru að verða 1000. En það er rétt sem sagt er - heimsóknum fækkar ef ekki er bloggað - eðlilega. 

Í dag var ég á vel sóttum fundi ásamt  Ellert B. Schram og Guðbjarti Hannessyni  á Akranesi með 60+ þar kom fram megn óánægja með hvernig málum er nú háttað hjá eldri borgurum  þessa lands. 

Margt var rætt á þessum fundi en séstaklega var talað um tekjutengingarnar og hversu  fárálegar þær væru og hvernig verið væri að breyta almanntryggingakerfinu í félagagsmálastofnun og refsa fólki fyrir að spara. Já, Þarna kom fram skýr vilji til þess að  afnema tekjutenginarnar og að allt fólk ætti þann rétt -- eftir að hafa greitt skatta og skyldur í áratugi -- að samfélagið skilaði því í sanngjörnum greiðslum.  Á þessum fundi kom líka mjög sterkt fram að samfélag okkar ætti að vera þannig að enginn liði skort og þess vegna ætti líka að hlúa mun betur að öryrkjum og fátæku fólki. 

Það var mjög áhrifaríkt að heyra í fundargestum tjá sig og segja frá misjöfnum kjörum sínum og aðstæðum.  Þarna var fólk sem býr yfir mikilli lífsreynslu og hefur þjónað landi sínu og þjóð dyggilega og átt ríkan þátt  í því að hafa skapað Ísland velferðarinnar sem því miður virðist vera á niðuleið. 

Greinilegt er að ríkisstjórnin hefur setið of lengi. Hún heyrir hvorki né sér, að margt verður að bæta og endurskoða svo við lendum ekki í tröppunni þar sem gömlu fólki, öryrkjum og fátæklingum er ekki sinnt á nokkurn hátt. -- Í þeirri tröppu vorum við fyrir hundrað árum.

Breytum þessu!! 

Stöndum saman

X  -S (Success)

Kalli Matt

1000 heimsóknir

Get ekki stillt mig - ef að líkum lætur verður 1000asti gesturinn minn kominn innan 12 tíma.

verður þú sá auðfúsugestur? 

 Stöndum saman.

X - S (Success)

Kalli Matt

ps. fann ekki orðið auðfúsugestur í orðabókinni og ekki heldur aufúsugestur?

getur einhver frætt mig um þetta orð.

 

kv

Kalli Matt

Æðruleysismessa.

Þið eruð öll hjartanlega velkomin í æðruleysismessu í Dómkirkjunni sem verður á sunnudagskvöldið kemur kl. 20.00. Þetta er konudagurinn. Aðeins einn Karl  fær að þjóna við þessa messu - allir aðrir sem koma að þjónustunni eru þar af leiðandi konur. Sjá eftirfarandi áróður.

Æðruleysismessa verður í Dómkirkjunni á sunnudaginn kl. 20.000.

Að þessu sinni munu kvennakórarnir Vox feminae og Gospelsystur Reykjavíkur  ásamt félögum úr Stúlknakór Reykjavíkur annast  söng undir stjórn Margétar J. Pálmadóttur og Arnhildar Valgarðsdóttur  píanóleikara.  

 

Þá mun ein kona úr hópi kirkjugesta vera með reynslusöguna en prestarnir Anna Sigríður Pálsdóttir, Bára Friðriksdóttir og Karl V. Matthíasson munu þjóna að öðru leyti.  Þú ert  hjartanlega velkomin(n) í þessa messu sem mun einkennast af  þakklæti, von, gleði  og bænagjörð.

  Æðruleysismessurnar hafa verið haldnar á hverjum vetri undanfarin ár og  fjöldi fólks sótt þær. Hér er viðleitni kirkjunnar til að  auka fjölbreytni í helgihaldi sínu og laða fleiri að til guðsþjónustunnar. Í þessu tilviki er verið að höfða til fólks sem þekkir 12-spora leið AA-samtakanna og reyndar líka til fólks sem er að upplifa umrót í lífi  sínu miklar breytingar eða kaflaskil. 

Í æðruleysismessunum hefur verið leitast við að hafa fjölbreytni í tónlistinni og margt tónlistarfólk tekið þátt í þeim.

Oft er boðið upp á fyrirbænir í lok æðruleysismessanna en þá ganga þau sem vilja upp að altarinu og leggja ýmis bænarefni sín fram og er þá beðið fyrri hverju því sem fólk vill leggja í hendur Drottins og fela honum.

Guðsþjónustan er öllum holl. Þau sem koma til kirkjunnar og eiga þar sameiginlega stund  byggjast þar upp og eiga betur með að fóta sig í lífinu og takast á við margvíslega erfiðleika sem flest fólk mætir í lífi sínu. 

Og ekki veitir nú af þjónustu kirkjunnar í allri þeirri baráttu sem nú fer fram um mannssálirnar.  Öll viljum við lifa góðu og áhyggjulausu lífi. Til þess að það sé hægt verðum við að hafa góðan grunn til að standa á. Sá grunnur er hvorki  efnið alkahól né önnur fíkniefni.  Kærleikstrúin sem boðuð er í kirkjum landsins er góður lífsgrunnur og hefur hún reynst þúsundum blessun, björgun og líkn.

Við sem stöndum að æðruleysismessunum í vetur minnum á að öll erum við velkomin í þær.  Æðruleysismessurnar eru haldnar næst síðasta sunnudag hvers mánaðar.

Bestu þver-pólitískar kveðjur

Kalli Matt

  

Fyllirí í sjónvarpi

Kastljósið í kvöld var nokkuð sérkennilegt. Ungur maður var fenginn til að detta í það og sýna fram á að jafnvel hin minnst bjórdrykkja veldur vanhafæni til aksturs. Vonandi sá  Kastljósið um að koma manninum heim. 

Það er  þarft að minna á hvílíkt skaðsemdarefni alkahólið er og þá ekki aðeins í tengslum við akstur  Stunum er látið að því ligga að það sé svo hollt og jafnvel nauðsynlegt að drekka það  til þess að maður fái ekki fyrir hjartað.  Ef við  myndum meta í alvöru og horfast í augu við alla þá þjáningu sem hlýst af alkahólinu og öllum þeim kostnaði sem neysla þess veldur veldur þá er ég viss um að myndum alls ekki vilja rýmka áfengislöggjöfina.

Ég er reyndar pínulítið spurningarmerki eftir þennan þátt. Var kannski bara verið að auglýsa bjór með órúlega kænum hætti?

Drekkum minna og verum glöð.

 Stöndum saman

X - S (Success)

Kalli Matt

Sorg yfir Íslandi -- Umboðsmaður barna

Þegar við heimsækjum Rauðasand vakna upp alls konar hugsanir um líf fólks liðinna tíma ekki síst er við lesum Svartfugl Gunnars Gunnarssonar sem ritaði  hina sögulega skáldsögu um Sjöundármálin.

Nú hefur annar svona "sorgarminningastaður" orðið til -- Breiðavík.  Þráinn Bertelsson skrifaði skáldsögu (Dauðans óvissi tími) þar sem tveir vinir "frá Bjargi" eru sögupersónur.  Þeir minna á þá Þormóð Kolbúrnarskáld og Þorgeir Hávarðsson.  Lýsingin á sambandi þessara manna er stórkostleg.

Ég á óljósa minningu frá unglingsárum mínum um að hafa einu sinni talað við  strák sem hafði verið á Breiðavík og hann talaði eitthvað um helvítið þar. (Það var niður við Tjörn eftir ball sem við vorum á í Iðnó þar sem Bendix lék fyrir dansi.)  Kannske talaði einhver  frá Breiðavík við Þráin.

 Minningin af þessu samtali er hrollur. Þetta er eitt af því sem hvarf í hjúp gleymskunnar eða maður höndlaði ekki að hugsa um það eða vildi ekki trúa því og þess vegna ýtti maður því bara frá sér lengst niður.  Ó umkomulausa sál -fyrirgef mér að augu mínu voru  haldin.                                      Var hann að biðja mig, 15 ára gamlan strák,  um hjálp? 

Mér finnst rétt að rannska þessi mál.  Breiðavík og Bjarg og öll hin og líka verðum við að fylgjast með því hvernig þessum málum er háttað í dag. 

Það eru mörg börn núna á meðferðarheimilum sem þarf auðvitað að fylgjast með. Þau erum undir forsjá og umsjón Barnaverndarstofu og því er eðlilegt að spyrja hvort rétt sé að Barnaverndarstofa dæmi sjálf um gæði meðferðar sinnar.  Verðum við ekki að efla starfssvið umboðsmanns barna.  Umboðsmaður barna -- óháður öllum stofnunum. 

Í rauninni er sorg yfir Íslandi vegna þessara mála og við verðum að vinna okkur út úr henni með kærleika og hugrekki, kannast við okkur sjálf og sögu okkar meina það sem við segjum.

EN! við verðum líka að spyrja okkur: "Er eitthvað núna sem við eigum í bakgarðinum -- sambærilegt við Breiðavík?"  

Í framhaldi af því hugsa ég til fangelsanna hér (þar sem að minnsta kosti einn Breiðavíkurmaður er) Getum við verið sátt við aðbúnaðin í fangelsunum. 

ER ekki fangelsið  á Skólavörðustíg 9 eitt þeirra dæma, sem allir vita um, sem allir vita um...... Eða verður Skólavörðustígur 9 sorgin okkar eftir 40 ár?

Vöknum og tökum okkur á.

Stöndum saman

X  -  S (Success)

Kalli Matt

Til hamingju Samfylking

Það var ánægjulegt að  sjá hver árangur ungra Samfylkingarmanna var á Sprotaþingi Samtaka iðnaðarins, um eflingu hátækni- og þekkingargreina. Þar voru hugmyndir ungra Samfylkingarmanna verðlaunaðar, í 1.2. og  3. sæti.  Til hamingju Samfylking með þetta ég er glaður að vera samfó ykkur.  Þó við fáum hellingsinnkomu fyrir fisk ál og ferðamenn er alltaf nauðsynlegt að vera vakandi fyrir nýju tækifærum og stuðla að eflingu nýrra atvinnugreina. Sem sagt ég er stoltur af þessu unga Samfylkingarfólki.  Látum það ekki á okkur fá þó það pirri einhverja að sóknin skuli hafin.

Höldum svona áfram, stöndum saman

X - S (Success)

 Kalli Matt

 

Happadráttur?

Þetta minnir mig á kröfur "afkomenda" Rögnvaldar rauða í Tinnabókinni sem ber heitið Fjársjóður Rögnvaldar rauða bls. 3-4.  (Hergé - Fjölvaútgáfa 2. útgáfa 2004).

Hlýtur sá happadrátt  sem úrskurðast faðir þessa blessaða barns?

Kallimatt 

Þrír segjast vera feður dóttur Önnu Nicole